Mwynhewch daith gerdded ar thema Dylan Thomas drwy ran o’r Ardal Forol. Hyd y daith gerdded wastad hon yw tua 1 cilometr, a gall gymryd hyd at 20-25 munud.

Ganed Dylan Thomas yn Abertawe, a threuliodd 20 mlynedd gyntaf ei fywyd yn y ddinas. Dychwelodd i Abertawe’n aml yn ystod y blynyddoedd dilynol, a pharhaodd i ysgrifennu am ei dref – ‘beautiful and drab town’ – a’i phobl.

Bydd geiriau Dylan yn eich arwain wrth i chi ddilyn y llwybr byr hwn a darganfod Marina Abertawe drwy ei lygaid ef. Cewch weld rhywfaint o hanes a threftadaeth ddiwydiannol yr ardal yn y fan a’r lle, ac effeithiau parhaol y Blitz ar dref Dylan, tref yr oedd yn ei disgrifio fel ‘marble-town, city of laughter, little Dublin’ (llythyr at Vernon Watkins).

Uchafbwyntiau

Llwybr

• Mae’r daith yn dechrau y tu allan i Ganolfan Dylan Thomas.
• Cerddwch ar hyd East Burrows Road. Trowch i’r dde ychydig ar ôl Clwb Hwylio Abertawe a cherddwch tuag at dafarn y Pumphouse.
• Croeswch y bont gerddwyr i gyrraedd Capten Cat.
• Dychwelwch at y llwybr a cherddwch ar draws y bont gerddwyr ac ewch heibio tafarn y Pumphouse ac Abernethy Quay i gyrraedd Sgwâr Dylan Thomas a’i gerflun.
• Cerddwch at ymyl y sgwâr a Theatr Dylan Thomas, cartref Theatr Fach Abertawe.
• Cerddwch ar hyd Gloucester Place tuag at Westy’r Queens.
• Trowch i’r chwith a rownd y gornel fe welwch Amgueddfa Abertawe.
• Trowch i Adelaide Street a cherddwch heibio hen swyddfeydd The Evening Post.
• Trowch i’r dde ar Somerset Place a byddwch yn gweld Canolfan Dylan Thomas, sef diwedd eich taith fer.

Map

Taith Sain

Trawsgrifiadau

Gallwch lawrlwytho copi PDF o’r llwybr sy’n cynnwys trawsgrifiad o’r daith sain yma.

This post is also available in: English