Arddangosfa ‘Dwlu ar y Geiriau’
Rydym ar agor ar hyn o bryd rhwng 10am a 4.30pm, o ddydd Mercher i ddydd Sul. Mynediad am ddim.
![Dylan Thomas exhibition at the Dylan Thomas Centre in Swansea, UK.](http://www.dylanthomas.com/wp-content/uploads/2014/08/201114Dylan-Thomas-exhibition_010-1024x681.jpg)
Agorodd ein harddangosfa Dylan Thomas barhaol, ‘Dwlu ar y Geiriau’, ar 100fed pen-blwydd Dylan, 27 Hydref 2015, o ganlyniad i arian gan Gronfa Dreftadaeth y Loteri a Chyngor Abertawe.
Archwiliwch yr arddangosfeydd rhyngweithiol, gwrandewch ar y recordiadau ac edrychwch ar y gwrthrychau gwahanol sy’n cael eu harddangos er mwyn dysgu am waith, bywyd, a chyd-destun diwylliannol un o awduron pwysicaf yr ugeinfed ganrif. Mae’r arddangosfa hon yn addas i’r teulu ac am ddim, ac mae ar agor ddydd Mercher i ddydd Sul.
Mae’r arddangosfa’n cynnwys y brif ystafell, ardal arddangos dros dro sy’n cynnwys arddangosfeydd sy’n newid, ac ardal ddysgu sydd ar agor i’r cyhoedd pan nad yw’n cael ei defnyddio ar gyfer gweithdai.
![Summer Holiday activities - Dylan Thomas Centre - Swansea - UK - 10th August 2015](http://www.dylanthomas.com/wp-content/uploads/2014/08/100815Craft-and-Facepainting-at-DTC_60-300x200.jpg)
Mae llawer i archwilio ar y llinell amser ryngweithiol megis Llwybr y Plant sy’n cynnwys rhai o’r anifeiliaid sy’n ymddangos yng ngwaith Dylan.
Gallwch ddilyn Llwybr y Bobl o gwmpas y llinell amser hefyd a darganfod rhai o’r bobl allweddol ym mywyd Dylan, a’r cyd-destun diwylliannol cyfoethog yr oedd yn byw ac yn gweithio ynddo.
![Dylan Thomas exhibition - Swansea - 20th November 2014](http://www.dylanthomas.com/wp-content/uploads/2014/08/201114Dylan-Thomas-exhibition_048-300x199.jpg)
Mae un rhan yng nghanol yr arddangosfa’n canolbwyntio ar Dylan yr awdur ac un arall ar Dylan y perfformiwr.
Ceir gweithgareddau rhyngweithiol, difyr ynghyd â sgriniau cyffwrdd sy’n adrodd stori nodiaduron Dylan, a gallwch archwilio’i gerdd enwog ‘Do not go gentle into that good night’ ac amgylchiadau ei farwolaeth. Gwrandewch ar Dylan ei hun, a’r bobl a oedd yn ei adnabod, trwy’r seinyddion yn y cadeiriau.
Galwch heibio’r arddangosfa ‘Dwlu ar y Geiriau’!
Dylan Thomas Centre Exhibition – Spherical Image – RICOH THETA
![heritage lottery fund](http://www.dylanthomas.com/wp-content/uploads/2014/08/HeritageLotteryFund.jpg)
This post is also available in: English